郭偉亮（Eric Kwok）演唱會女歌手台上遺留疑似nude bra一案，仍然是一個謎。陳慧琳（Kelly）昨日在香港迪士尼樂園出席迪士尼90周年音樂會記者會上，表示不知道誰是nude bra女歌手，而當日有份演出的李克勤表示看不見，卻建議下次演唱會可以效法電視台做法，在演唱會內衣外衣上記名，方便尋找nude bra失主。
長裙大露背的靚媽陳慧琳，與李克勤、張敬軒跟泳兒等現身活動，台上小心翼翼的她，表示今日一定不會跌bra，她說：「今日條裙好方便，好貼身，一塊布過，一定唔會跌嘢。」講到nude bra事件，Kelly第一時間說：「入行以來，我都係跌過假髮同髮夾，今日企喺度，係唔會出事，喺台上面就危險，要做足啲措施。」
自爆跌過假髮
李克勤未發現遺下nude bra，他說：「我唔敢講呀！千嬅話自己甩鞋，佢有講我先夠膽講，如果係咁下次不如mark名，咪易搵番囉！服裝間連假髮都寫埋名。唉！呢個係一個輕鬆嘅騷，無所謂喇！」另外，在台上克勤笑指會跟Auntie Kelly合唱美女與野獸主題曲《Beauty and the Beast》，Kelly做美女，他只好當自己是野獸。
採訪：王連連
攝影：仇志德
