Tesla香港首位車主羅貴生,一口氣掃入8架新車,以每部最貴版本賣76.1萬元計,共花超過600萬元。佢透露,同緊幾間五星級酒店傾合作,提供住客接送服務。羅貴生話自己係「Tesla躉」,2010年買咗一架舊款電動跑車Roadster,等咗差唔多兩年先有新車。羅貴生本身做汽車接送、租賃生意,計劃將現有幾部Benz、寶馬全部轉晒做Tesla,除保留一部Tesla自用,其他出租。