馮仁昭四圍超:教瑜伽搵三萬脫貧 Coffee搬新屋 - 馮仁昭

馮仁昭四圍超:
教瑜伽搵三萬脫貧 Coffee搬新屋 - 馮仁昭

林芊妤(Coffee)廁格gathering之後,被迫同無綫解約,無得留低,要租屋養家嘅Coffee正憂慮被趕離無綫連$4,000底薪都冇埋,佢就喺蘋果動新聞主持《動瑜伽》,火速得到唔少客戶垂青,主動邀請Coffee做私人瑜伽教練。日前仲有移居加拿大嘅朋友請佢過去教授瑜伽,佢留低一個星期後教完返香港,保守估計Coffee𠵱家月入三萬,脫貧成功,仲有錢搬新屋。

Coffee為搬屋買了很多家居用品。

新居入伙好慳家

日前馮仁昭發現Coffee喺將軍澳一個商場睇家庭用品同床單,仲拎住一袋二袋衣架同垃圾桶,走入一個私人屋苑。馮仁昭打電話問Coffee係咪搬屋,佢話:「其實我都唔想,但係一直有記者喺樓下,咁𠵱家有客戶支持我,預繳學費,咁我就可以有錢租屋。」Coffee有錢租屋,不過間屋好空,連電視都冇,佢解釋話:「有錢唔應該大使,搬屋只係唔想影響屋企人,我平日都好慳,搬屋用好多錢,冇電視咪上網當娛樂。」
撰文:馮仁昭

Coffee新屋空無一物,只有一台電腦,係因為佢想慳錢。