德甲班霸拜仁慕尼黑已經開咗操，其中因傷踢唔到世盃嘅列貝利話，已經無乜大礙可以備戰新球季。另外，因為逃稅被判入獄兩年嘅前主席漢尼斯（黑衫），早排先話睇埋世盃先入冊，呢頭就已經出番嚟。原來話漢尼斯因為心臟有問題獲批准出外就醫，醫好咗先再坐過。我求大俠唔係黑心，不過如果醫生證明佢一直未好番晒，係咪唔使再坐呢？