郭富城昨日出席海港城「夢想起航」史諾比展覽慈善活動，呼籲大家響應「生日禮物布施」計劃幫助世界各地貧童，吸引大批途人及自由行圍觀。城城表示10月生日會叫朋友、粉絲將禮物變成文具包送給小朋友，他稱幾年前探訪過山區小朋友，都被他們的學習態度感動到眼濕濕。
城城表示小時夢想比較單純，睇完卡通片就想做賽車手，現時他就鍾意幕前演出，有機會想做監製、出品人或者導演，問他夢想是否成家立室？城城即說：「冇喎，我啱啱拍緊陳凱歌部戲，發覺做導演要放棄好多嘢，𠵱家心境好平靜，衝擊都係對作品新嘗試。」記者笑問他是否結婚才做導演，再不結婚會否怕做道士？他笑說感情事順其自然，現時亦沒有對象，並說：「我唔dry，我嘅感情全部投放電影，同電影戀愛。」
採訪：溫敏芝
攝影：陳慧安