唔少市民趁日前趁書展收爐入場掃平貨，出咗新書《正「識」英語》嘅新民黨葉劉淑儀亦特別到場為讀者簽名，仲巧遇《狂舞派》「阿花」顏卓靈，對方喺現場為首本大作《此致》會粉絲。葉劉話對顏卓靈嘅認識嚟自《狂舞派》，因為呢套片破格起用新人，主題又健康，係電影發展基金有份融資嘅電影中，罕有口碑同票房俱佳嘅作品。佢哋兩個最終唔單止影相留念，仲交換埋簽名著作互冧。
葉劉話喎，有朋友早前送咗隻《狂舞派》DVD畀佢，但一直冇時間睇，最後反而係讀咗阿花嘅文字先，喺阿花筆下發現佢係一位好有理想兼思想獨特嘅女仔，好心急想快啲攞《狂舞派》出嚟睇。