踏入農曆七月，有人或者會驚鬼影幢幢。一間馬來西亞應用程式公司就同香港公司合作，推出手機App「觸鬼」，噚日起可以喺Google Play Store及Apple Apps store下載。呢個App用咗AR技術，派人到香港同大馬幾個猛鬼傳說地方實地「考察」，配合番個傳說，用電腦技術重現各類魑魅魍魎，當然係搵人扮㗎啦！
設計者Shion Lim話用家只要去番指定場地，打開個App就會見到鬼故中嘅靈體喺手機出現，配合返現場環境，好適合膽大人士挑戰。佢話曾經去過西貢黃竹洋村現場，嗰度陰森到令佢毛管戙，極力推介大家去嗰度試吓。