德國啱啱攞咗世界盃，拜仁慕尼黑陣中好多奪標功臣都未歸隊。其實呢支德甲班霸早已開操，仲喺周一踢咗今夏第2場友賽，對丙組杜伊斯堡。呢場波有乜特別？之唔係新加盟嘅前鋒羅拔利雲度夫斯基（右），首次披起拜仁戰衣就入波，協助球隊打和1:1囉！小豬舒韋恩史迪加嘅大佬杜拜亞斯亦喺86分鐘入替羅拔仔，仲有德國兩大名宿史高爾及哥甸奴嘅囝囝踢正選㖭！