上個月尾喺微博宣佈懷有第二胎嘅靚媽陳倩揚，近日就同家人去咗峇里島度假，而且仲喺微博上載咗唔少靚相，同fans分享添﹗
當中大部份都喺靚媽倩揚與將升呢成為哥哥嘅囝囝陳羲廷玩水合照，仲有佢哋sweet到爆嘅母子咀嘴相囉，真係見到都warm呀！
而除咗玩水相，心情靚爆嘅倩揚都好識做，放咗唔少索爆比堅尼自拍照，見佢上圍比之前大咗唔少...相信係孕婦谷奶現象啦！
倩揚喺微博表示：「嚟咗Bali幾天，胃口好咗，瞓得好咗，無憂無慮嘅渡假feel實在讚讚讚！ 放鬆心情，遠離電話，享受陽光享受海風享受時刻，擁著小羲廷的時光，沒有甚麼比能夠用心感受著孩子的成長來得珍貴，來得重要，窩心的擁抱天真的笑聲都是繼續衝刺的動力！」