【拆局】雖然泛民爭取與京官就政改對話，但不代表會放慢佔中部署。事實上泛民內部認為，除非北京拋出一個符合國際標準方案，否則泛民不能放棄佔中、公民抗命行動。
或由民陣領導
據悉泛民會在月底再商討佔中部署，不排除會爭取與民陣合作，於8月中再策動另一次局部佔中，顯示民間力量。
有泛民中人直言，除非北京答應拋出一個符合國際標準方案，「否則乜嘢溝通、談判我哋唔會當真、唔會排除一切都係北京嘅策略」，所以就算爭取與京官就對話，亦不會放棄佔中及公民抗命行動，甚至有意見認為，要在8月底人大常委就政改有決定前，再策動另一次局部佔中，「話畀北京知全面佔中係有可能出現，仲要唔止出現一次」。
據知有泛民曾私下接觸民陣部份成員，研究由民陣領導局部佔中可能性，引述對方反應正面，計劃本月底至8月初再商討佔中部署，「無論係8月中定8月底佔中，都要開始傾，做好準備」。有泛民成員已被提醒，「如果要放假外遊就盡快，8月中前要返齊香港準備再打仗」。
《蘋果》記者