【本報訊】「舊年講咗句，有《風雲》就有我，今年《風雲》漫畫完結，要改口話一句，有天下就有我」。聲稱來了動漫節15年撐天下的動漫迷蔡先生，昨凌晨三時多已經到灣仔會展門外輪候，等待周五動漫節開鑼，準備衝入會場購買天下畫集。而蔡今次以一顆「真誠」的心打動人，獲更早來到欲購買PS4的盧同學讓出第一位。
蔡先生坦言，從動漫節見證了香港漫畫式微，以前動漫節漫畫出版商推出不少新書及首辦，今時今日「靜」了很多，「好似天下咁，今年都冇出首辦公仔，而《風雲》亦寫到冇嘢好寫，寫返轉頭打日本仔，我今年嚟係買天下畫集，講真唔需要咁早嚟排隊，連續通幾晚頂嚟排隊，都係撐天下，年年排第一，冇理由今年排第二」。
今年感動大學生「讓位」
事實上今屆排第一應該是今年升讀大學的盧同學，他周一已經跟朋友前來排隊，想購買今次首度參展SONY的PS4，「3,000幾蚊主機，回贈番3,000幾蚊禮物包，梗係要嚟排隊」。盧同學表示，知悉蔡先生來排隊購買天下畫集，與他無牴觸，又知他年年排第一，決定「讓位」予他。