是日大暑，天口熱到八方頭都痛埋，最好就係飲番啲涼口嘢下吓火。本地社企「公平棧」趁炎炎夏日推出兩款樽裝有機凍茶：公平伯爵以及公平茉莉，係全港首次獲國際公平貿易標籤組織（FLO）認證嘅樽裝茶。創辦人梁佩鳳話，兩款公平靚茶都用有機茶葉，分別來自印度大吉嶺同埋中國江西大鄣山，用咗兩年時間研發。
個樽都好講究㗎，由本港建築師阮文韜設計，以回收膠粒製成，全透明嘅樽身，令消費者可以睇真啲茶有幾清。全港25個地方有特賣，大部份係戲院或社企，其中5個地方設膠樽回收，畀本地一間有機生活百貨店Organic We重用，裝自家研發嘅「檸檬紅茶沐浴液」。