中環人又有個好地方去hea嘞，中環hmv經過兩個月裝修，今日試業。呢間舖有兩大特色，其一係服務員全部都係大學畢業冇耐又熱愛音樂同電影嘅靚仔靚女。其二係設有一個黑膠碟懷舊區，顧客真係可以坐喺古董沙發上面慢慢聽黑膠碟。hmv老闆胡景邵今年初將hmv中環店注入高誠資本（8088）後，就斥資過千萬，將兩層1.2萬方呎地方全部翻新，下層數碼化，上層懷舊。懷舊嘅黑膠碟區，放滿由全球搜羅番嚟嘅古董擺設，入到去好似去咗黑白片嘅場景，而且充滿藝術感，鍾意嘅人一定好鍾意。最緊要係可以hea。
