【本報訊】香港雪糕品牌雀巢出現離奇甩色事件，有家庭主婦兩月前於超市購買一盒家庭裝DRUMSTICK甜筒，進食時發現包裝紙一抹脫色，擔心小孩誤食顏料入肚。雀巢稱未發現該批次甜筒有異常情況。有印刷商估計是印刷過程中漏工序肇禍。
莊太5月初於葵涌邨惠康超級廣場購買兩盒雀巢DRUMSTICK各四支的朱古力及雲呢拿味家庭裝甜筒，直至同月中取出雲呢拿甜筒，發現手染藍色顏料，「初初見到以為自己唔小心掂到其他顏料，但越食顏料越來越多，先知係由雪糕紙甩出嚟」。
恐吞顏料落肚
莊太再檢查其餘甜筒，發現餘下數支同樣脫色，甚至弄髒冰格，「淨用水清潔唔得，要用百潔布猛力捽先甩」。她擔心小孩誤食入肚，「小朋友食咗脫落化學顏料，會唔會影響健康呢？」她表示會暫停購買同類型雪糕。莊太受訪期間示範用手拭擦，包裝紙表面輕易脫色。
雀巢發言人回應經調查後並未顯示有任何異常情況，強調所有產品均嚴格遵守本地法例；惠康回應稱未收到任何人對該批次甜筒作出退貨或查詢個案。
有印刷商指食品包裝印刷通常透過五色機及六色機上色，工序是由底紙印上圖案，再在表面髹UV光油或膠面作保護層，防止圖案脫色，估計事件或與工作人員看漏眼，未有察覺保護層原料已用畢，以致底紙未髹保護層便過關包裝。
香港專業教育學院食物及營養科學課程主任兼高級講師方麗影指，法律上對食物包裝紙無嚴格規管，故包裝紙顏料有機會含重金屬、鉛及水銀等成份，不宜食用；但長期食用始會出現水銀中毒反應，一般食一兩支甜筒不會嚴重影響健康。