為咗偶像，你可以去到幾盡？有位美斯球迷叫比哥利亞，佢覺得單單着波衫，表達唔到對偶像嗰種崇拜，決定喺世盃前將美斯件波衫紋咗上背脊度，仲有晒名同號碼。美斯聽到比哥利亞做嘅事後，都對呢位仁兄好有興趣，趁仲放緊暑假未返巴塞隆拿報到，一於邀請呢位狂迷見面。美斯首先幫佢簽名，然後急不及待睇紋身，見到之後仲好開心咁企喺隔籬合照㖭（圖）。