勒邦占士啱啱展開為期5日嘅大中華之旅,噚日第1站就去咗北京,出席球迷見面會時仲同知名鋼琴家郎朗進行交流,兼交換禮物㖭。大帝今日轉戰廣州,聽日就會駕臨香港,到時會先去旺角宣傳波鞋,之後再連踩港大同麥花臣兩個籃球場教波,各位有興趣見大帝真身嘅球迷,記得安排定時間去追星喇。