現年25歲、擁有42吋長腿的何佩瑜（Jeana），近日拍攝錢國偉執導的《辣警霸王花》，拍竣後要極速減肥，她日前穿火辣比堅尼，接受訪問說：「今年夏天我驚嘅唔係肥肉，而係橙皮紋，因為脹大收縮會有橙皮紋，我已經用咗兩個禮拜收身，都算係成功。」
Jeana表示現時每天都會搽護膚霜，出街化妝前也會搽防曬打底，其後大騷手臂老鼠仔的成果，滿臉自信說：「我𠵱家有肌肉㗎，《辣警》真係操得好勁，成個人係大隻咗。」
她透露之後將拍攝葉念琛新片《小姐誘心》外，也會拍攝改編自向西暢銷小說《含忍．死人．的士佬》，問她有否興趣寫文章？她說：「我文筆唔係好好，要進修幾年，再成熟啲先，到時有自己經歷，就可以寫個心路歷程出嚟。」
採訪：溫敏芝