馬航客機再次不幸失事,唔少傳媒又再搵嚟身為飛機師嘅公民黨譚文豪解構吓失事原因同埋航道問題。原來譚文豪喺忙於應對傳媒之際,太太好辛苦咁為佢誕下龍鳳胎,公民黨上下都不知幾開心。譚文豪自己喺facebook貼圖兼寫文報喜。佢話「如果只是想為香港出生率出一分力,我會選擇生孖胎,既方便又快捷」。而佢確實真係為香港人口下降問題略盡綿力,事關佢太太喺上周六(19日)為佢生下一對龍鳳胎,家姐有5.7磅,細佬就有6.9磅。湊一個BB已經需要好多心思同時間,何況係兩個打孖嚟?難怪譚文豪自己都話:「從此之後,相信有排唔得閒。」