香港嘅兩大左報《文匯報》同《大公報》，最近不停抹黑真普聯召集人鄭宇碩係外國人。中共紅人、金融界代表吳亮星都出手幫中共打擊敵人。主持會議無能嘅佢，坐番埋位開會就自然好多咯，佢噚日喺立法會政制事務委員會上話喎，真普聯鄭宇碩被揭有澳洲籍，由佢帶動政改討論其實係「離譜聯」至真，甚至質疑會「外人治港」而非港人治港，認為政改搞手應公開所屬國籍。八方記得，反佔中搞手周融自稱早有居英權，唔知身為「英籍人」卻喺香港反佔中，算唔算外國勢力干預港務？但八方可以肯定，舉動猶如來自外太空嘅吳亮星，可以免卻申報國籍嘅煩腦，事關「火星人」三隻字，幾乎已經刻咗喺佢額頭上面。