張天愛昨日與馬天佑及指揮家葉詠詩等，在圓方出席藝術狗展揭幕，張天愛設計的Ballet Lullaby阿高（Gromit）雕塑將作慈善義賣，幫助香港及英國病童。
近期張天愛甚少出席活動，問到曾經歷四段婚姻失敗的她，現時感情生活如何？她說：「好好，好love啲狗仔，好love學生。」那有否新男友？拒再婚的她笑說：「問咗咁多年都要問，一定要先有人情味，會見吓啲舊同新嘅，date吓先，single會開心啲，多啲選擇，我唔會結婚。」為何這麼決絕？她拒再多談：「夠啦，21世紀唔適合，變得多唔得。」
設計中國館服
張天愛透露將推出自家童裝系列Ballet Angels，並在構思製造會發聲的小型Gromit玩具作義賣，現則忙於為明年米蘭世博的中國館設計館服，她說：「我會將中國剪紙技藝放入設計，布料會係茶葉、糖同酒呢啲天然物料，話畀全世界知中國慢慢改變緊，爹哋做市政局主席時做咗個垃圾蟲，中國都應該要做一個，香港人要慢慢幫中國，唔好只係鬧佢哋。」
此外，任司儀的楊洛婷最近買了一隻松鼠狗，她笑言小狗樣子很麻甩，似足男友、樂隊Dear Jane成員Tim，一直希望生BB的她笑言現時教得小狗聽聽話話，令她很有信心教好將來的小孩，並透露一直有生育計劃。
採訪、攝影：羅慧敏