俗語話女大18變，原來仔大一樣可以18變，今日就同大家搵番啲騎練以前嘅靚仔相，睇吓變得更靚仔，抑或變得更有型，更有男人味。
告仔留鬚你見過未？呢張係告仔做騎師時曾留鬚嘅相，嘩！殺氣都幾大喎。家陣做咗練馬師咁多年，每次見佢頭髮都係擸晒上去，成個賭神咁，有殺氣之餘，仲有一代宗師風範。
至於佢大佬告達理，原來當年仲係好多頭髮，靚仔過企響佢隔離嘅霍達多多聲，可惜男人到咗一定年紀，都係有男人之苦，頭髮都甩得七七八八囉！
以下落嚟呢兩位騎練，一個叫巫斯義，另一個叫何良，後生嗰陣真係可以去做明星，何良還好，到𠵱家都冇乜變。但巫斯義就……