【香港書展2O14之群星撐場】香港書展明日閉幕，昨日不少作者趁假日現身，為推廣作品最後衝刺。除翁靜晶、莊思敏、糖妹及肥媽外，台灣作家兼導演九把刀、蔡明亮亦專程來港宣傳。有書出的蘇永康原本心情大靚，不過因為被雜誌指他年底的婚禮一味靠黐，令他極度不滿聲言會以法律解決。
蘇永康昨日找來杜德偉、黃偉文等為作品《衣櫃裡的男人》撐場，他笑言因為中學未畢業，所以經常被人問起本書是否有人代筆，他說：「一文一字都係我自己寫，由2010年11月開始寫起，係用時尚角度去寫蘇永康個人視野。其中有一篇叫『男人的腰骨』係鬧政府，『Change』就講奧巴馬太太。」
翁靜晶帶女谷書
對於有雜誌指他慳住娶老婆Anita，既用公司資源帶女友到美國影婚紗照，又𢱑贊助及找狄波拉代訂酒席取折頭，蘇永康表示未看過報道，他說：「我會畀律師信，唔通我多謝佢呀？我做嘢完全唔會揩油，我做會畀錢，咁樣寫即係大我啫？我就會彈返佢，我呢一生人需要識三種朋友，律師、醫生、會計師，我出律師信都唔使錢㗎，呢個傳媒圈子亦有壞份子，我冇有怕。」黃偉文接受訪問時強調作品《北京北角》並非維穩歌，但確曾為事件不開心。
同樣有新書推出的翁靜晶，昨日帶同長女劉萬儀等一齊到場，她表示除出書外有機會以老爺劉湛為題材，她說：「可能寫《劉湛傳》劇本，師傅生前都希望我去統籌，生前已有人選。」對於大女萬儀上月涉以啤酒罐傷人，翁靜晶表示稍後會交代。
另外，昨日除有一班藝人等推出文字書外，當然少不得一班𡃁模B.Gs、Donut等，以黃榕的性感bra top短裙露腰最出位。
採訪：卓寶花、黃曉妍
攝影：陳慧安
