【本報訊】《蘋果》將丁小姐杜牙根手術後的X光片交給多位不願公開姓名的牙醫查看，其中有資深牙醫審閱後表示驚訝：「補牙物料起碼多咗成10mm，我做咁耐從來未見過。」
涉事診所有前科
他指一般超充物料最多僅2至3mm，又建議暫緩手術：「如無必要唔想病人再捱一刀，而且做完可能會令牙肉收縮，如日後有併發症先重做比較好。」
另一名醫生表示，手術時因次氯酸鈉沖洗液引發面腫是杜牙根併發症，但並不常見。
亦有牙醫指，此次手術失誤會為病人帶來陰影，亦絕少有牙醫願意協助「執手尾」，「會擔心手術再出問題，好難界定責任誰屬。」
涉事診所已非首次被病人指控杜牙根失誤，本報07年曾報道一名男患者到同一醫務所內，接受一名姓黃女牙醫治療時，因補牙填充物料過多，並穿越牙齦直達鼻竇造成發炎，事後向牙醫管理委員會投訴。
翻查2010年《香港急症科醫學期刊》病例，一名37歲女子09年初接受杜牙根治療，其間右邊臉及嘴唇嚴重腫脹，需到屯門醫院急症室求診，經診斷證實涉事牙醫沖洗牙根管期間，次氯酸鈉沖洗液意外噴出造成嚴重炎症反應，幸好病人的氣管未有腫脹，否則危及性命。