【壹週刊】陳樹基，六十七歲，在深水埗開「賭坊」，不過呢度冇錢賭，係賣百幾蚊嘅真牛皮鞋，啲街坊初時聽到都唔信，基哥於是喺門口大紅燈籠高高掛，搞到成個賭坊咁，寓意「你唔信咪入嚟賭一鋪」，仲話賣假嘢就十倍奉還。
「賭坊」仲有四、五千蚊一對嘅鱷魚皮鞋，平過出面四、五萬蚊一對多多聲，係基哥拍檔引入，李嘉誠、趙世曾都係佢以前嘅熟客仔。原來佢哋都指明要加厚個鞋墊，誠哥仲話要同啲鬼佬傾生意，高得半吋就半吋，唔通同佢一直以嚟有獨特嘅步姿有關？
富豪地位高、眼角高，連鞋都要加高，咁先叫尊貴。但對基層嚟講，著得舒服，已經好滿足。基哥喺深水埗做咗兩年幾，生意愈做愈好，同時代表基層生活每況愈下，都咪話唔諷刺。不過做平民生意同服侍大孖沙，基哥覺得呢度人情味多好多，幫到吓啲有需要嘅人，呢種開心用錢買唔到。
iPhone版下載：
http://goo.gl/1SDaWF
Android版下載：
http://goo.gl/xfQS8D