文詠珊（Janice Man）本周五將舉行加盟新公司記者會，JM透露已做好準備全力投入新工作，並已報讀英文、普通話和鋼琴課程充實自己。入行十年的JM表示除了希望事業上能有突破之外，也坦言是希望賺多一些錢，原來JM希望憑自己的能力，在港買樓讓父母安居，並望他們可在5年內退休，她說：「見爹哋、媽咪年紀開始大，我唔想佢哋老咗之後都仲要捱得咁辛苦，希望喺5年之內，可以安排爹哋、媽咪退休，所以呢5年我會全力出擊，盡力接多啲工作搵多啲錢。以前我做嘢方向係重質唔重量，𠵱家對我嚟講，賺錢係重要咗，但我都唔會將錢銀放喺第一位，因為工作質素一樣好重要，我會喺質同量之間取得一個平衡。」
撰文：栐仁