因為狼太一鬧成名嘅中大學者蔡子強，星期六去咗書展為新書搞簽名會，到場後發現隔籬有位簽名中嘅仁兄都好多粉絲，原來係近年爆紅嘅政治漫畫家咳神（Cuson）。蔡子強雖然唔識Cuson，但都知自己曾經成為對方筆下主角，包括五區公投時被畫成「忍者」，以及近期被指自己寫嘅文「阿媽係女人」，結果就膽粗粗買咗本Cuson嘅新書搵佢簽名及畫畫，仲話Cuson見到佢時都好似嚇咗一跳。
既然Cuson話過自己寫嘅文「阿媽係女人」，蔡子強趁機叫對方幫佢畫番張「阿媽係女人」嘅畫，唔知係咪想自嘲一下。蔡子強不知幾like呢幅大作，話會掛喺屋企慢慢睇。