【壹週刊】講起大埔LuLu一定會記得佢，撐邊隊死邊隊，被稱『燈神』LuLu (董嘉儀)世界盃結束後，唔使講波，但LuLu 工作卻接踵而來，拍電影、做生意，忙到頭暈呀！
對於被喻為『燈神』，LuLu 話呢個朵唔係今日先有，早幾年就有人咁叫佢。
LuLu 話：『營造呢個係網民，之前因為其實係兩年幾前，係幫一個網站著一啲波衫，去影一啲賽前預告嘅片，咁果陣我都係有著波衫，而啲網民就話，唉點解LuLu 次次著親呢隊呢隊波衫都會輸嘅？當時係網民發掘出嚟。』
『燈神』呀！『燈神』！曼聯上季一沉不起，而家荷蘭教練雲高爾係世界盃後便上任曼聯領隊，唔知『燈神』LuLu 又有咩睇法呢？
LuLu 話：『因為啱啱莫耶斯被炒咗即上年曼聯教練，今年雲高爾過去..要睇吓夾唔夾，有冇默契，因為我覺得最緊要係有默契先得，大家先會合作得到囉。因為宜家都未開季，都未知係點樣，要踢咗幾場波先知點樣。』
LuLu 最叻做燈神，原來佢最近期實都拍緊電影，LuLu表示：『我都未試過拍戲，最緊啱啱接咗兩部就試吓喇！希望試多啲唔同拍戲嘅角色。一套係馬拉嘅賀歲片嚟 嘅，叫『ATM 提款機』，都係係香港拍。另一套係啱啱開嘅就係葉念琛『小姐誘心。自己其實未來都會學戲，因為其實自己之前係拍網上短片多，好多朋友都話我你表情好多，你 都幾適合演戲，咁我覺得有機會就去試吓。』講波就叻，原來LuLu 都會做戲，我哋真係要拭目以待喇！
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android