由林芊妤（Coffee）做導師的《動瑜伽》今集教大家第九式。如果大家有睇過前八集都知，陪住Coffee一齊做動瑜伽嘅檸啡、齋啡，喺之前幾集單係熱身動作部分幾乎難到要投降，但今集佢哋居然做到呀！大家唔使覺得驚訝，唔係因為檸啡、齋啡厲害，只係今次嘅熱身比較簡單啫。正式開始做第九式，佢哋又依舊放棄喇！而今集Coffee就教大家如何將自己身體對折，然後慢慢將手臂穿過自己雙腳後，再用兩手扣住，期間雙腿仲要Keep住企直，真係睇住佢做都覺得難呀！