漫畫《足球小將》中的主角戴志偉，無論跌倒過多少次都會重新站起來，將皮球送進龍門。現實中同樣愛踢波的演員戴志偉，多年來在電視台一直只是演出配角綠葉，從未能一顯身價。3年前離開電視台轉個主場，在保險界大展拳腳，近日在網上曝光的自彈自唱片段，令網民拍掌叫好，歌藝不是一天練成的，從來都只是舊公司不懂得發掘藝人的才能，戴志偉仍然是戴志偉，在自己的主場，誓爭一口氣！
撰文：卓寶花
近日戴志偉認真紅，他自彈自唱的片段在網上曝光後，接連有多條網友炮製的短片都見到他的蹤影，問他是否想重返幕前，他耍手擰頭，但一提起音樂，卻兩眼發光，成功挑機當上網絡紅人，他可以得戚地說：「唱歌有番咁上下功力，唔係今時今日先學嘅。」聽落水準的確跟專業歌手不遑多讓，只是從前在電視台無用武之地。
戴志偉81年在藝員訓練班畢業，同期的還有劉德華、梁家輝等等。年輕時曾組band玩音樂的戴志偉， 偶爾參加歌唱比賽，當時的戴志偉已是隊中靈魂，日前戴志偉帶住陪伴左右12年的結他接受訪問，獻唱自編的連串英文民歌，唱主音就像是球隊前鋒，那個《足球小將》的戴志偉彷彿在記者眼前現身。
捧人最緊要靚仔
3年前毅然離開電視台，戴志偉慨嘆公司規則環境改變：「同電視藝術創作偏離咗，訓練班越來越短，搵個新人出嚟做主角，最緊要靚仔靚女，佢捧你。」
戴志偉自詡稱職演員及打工仔，做好角色之餘，簽約從來無扭計要加人工，卻突如其來面對被叮的結局，戴志偉不滿說：「其實係佢想我離開，可能慳錢又或者我哋做得太耐，冇利用價值。作為一個平台，你係訓練咗好多人，但係就唔尊重人，唔覺得你係公司資產，只睇你嘅價值，搵到幾多外快，冇諗過我哋做戲好深入民心，同新人係冇得比，好唔尊重我哋呢脫人。」
白做三個月還騷
離開的導火線是在傾合約時接連以出鏡不足為理由，俗稱under show，令戴志偉決心走人，他怒氣未消說：「有次續約時話under show，叫我免費做3個月還騷，一次可以體諒，第二次續約又係咁，我好直接同對方講，話唔夠騷係佢嘅錯喎，簽咗我佢要做好資源分配。自問一向紀律良好，既然係咁，咪唔續約囉，完全唔尊重我，做咗咁耐好似空氣咁消失咗。我有唔開心，但其實好多藝員都面對呢個問題，唔敢講啫，我只係講事實，冇針對性。上巿公司有咁多資產，唔應該用呢套方式做嘢。」
