前晚Eric Kwok（郭偉亮）在紅館舉行第二場演唱會，有劉心悠、方皓玟等去睇騷。嘉賓除了第一場的陳奕迅（Eason）、梁漢文、蘇永康、楊千嬅等外，前晚加入李克勤、官恩娜（Ella）、蔡卓妍（阿Sa）、林子祥等。克勤選唱了《花落誰家》，剛從巴西回港的他說：「趕返香港做呢個騷係為咗報恩，Eric係我其中一個恩人。」怎料這位恩人直斥克勤唱歌似機械人暗嘲他沒有感情，Eric說：「初初錄呢首歌時，我對克勤講咗啲好大膽同唔尊重嘅說話，我叫佢唱歌唔好唱到好似機械人咁，之後我仲送咗隻鐵人28公仔畀佢，隻公仔擘大腳，胯下寫住Hi字。」
Eason獲Eric送梯及四方帽，Eason爬上頂雙腳夾梯邊跳邊唱，Eric一臉驚恐提醒他小心，但Eason卻自嘲說：「唔怕，我跌慣，成日都跌啲嘢出嚟。」Eric又為穿露背裝的阿Sa平反，指外界批評她唱功做法不對，其實她很努力。阿Sa承認對唱歌沒信心，Eric不斷鼓勵她。之後Eric爆阿Sa最想拎影后獎，阿Sa亦坦言對演戲較有信心。
Ella奪性衝動大獎
穿高叉長裙的Ella唱歌時，Eason躺在台上一處鋪上草地的地方，蘇康笑他似在沙灘「𥄫女」。Eason解釋不想讓視覺影響到聽覺。之後Eric頒「最令人有性衝動大獎」給Ella，並戲言：「Ella唱歌令全場男人都扯蝦。」另外，頒最喜愛男、女歌手獎環節，楊千嬅、梁漢文得獎，梁漢文開心說：「第一次拎男歌手獎，好開心好興奮，個人好似姣姣地咁!」
採訪：盧妹
攝影：陳志嵐
