【本報訊】書展昨踏入第三日，雖是周五但未算暢旺，書商直言「從來冇見過咁疏落」，歸咎天氣差及宣傳不足；幸首日夜書市挽回不少人流，至晚上8時後場內略顯擠迫。有書商看淡銷情，今日劈價至一蚊本救亡，望趁周末傾銷；原本100元任取一袋書，則再劈價至80元。但亦有書商企硬不減價，「買書唔係因為佢平，係因為本書好」。
記者：黃靜薇 溫婉婷 袁樂婷
周五至周日向來是書展入場高峯，今年反常，至傍晚時分仍較疏落。茶杯雜誌出版社出版經理陶培康指，昨日賣出不足200本書，見勢色不對提早劈價，2元特價書由一本增至四本，今日再劈至1元忍痛散貨，「擺喺倉一樣要錢」。但為尊重作者，三年內的新書維持79折，記錄青年背包客邊工作邊旅遊秘技的《良業游民》由98元減至77元；青年文學獎得主紅眼的新作《沼氣團》則由78元減至61元。
網絡小說神話不再
陶培康續說，網絡小說的神話不再，熱爆《紅VAN》作者Pizza的新作《把砒霜留給自己》暫只賣出數百本，「泡沫爆破咗，冇以前咁大迴響」。點子出版編輯羅慧詠則指，人氣網絡作者如向西村上春樹、港姐及于日辰（前名小姓奴）的銷量平穩，新作《西謊極落》、《信者急救》及《港L完》書展首三日均賣近2,000本；但新作者「爆唔起」，「冇特別顯眼嘅新人，可能話題性唔夠」，網絡小說界青黃不接。
首日起已「賣大包」的超媒體出版「劈到盡」傾銷，原本100元任意裝滿1袋書，昨晚起減至80元，今日或再送精品，留錢不留貨。大型書店如商務印書館亦加入減價戰，今日起有更多圖書買一送一；Metro Book更推出晚間優惠，晚上7時至10時買滿8本小說即享半價，如反應良好會加推優惠。
不過，亦有書商堅持不減價。次文化堂社長彭志銘指，首三日銷量比去年跌近一成，「對小出版社嚟講都幾傷」，但不想讀者貪平買書，「買書唔係因為佢平，係因為本書好，有質素」。上書局負責人鄺頴萱亦指銷情慘淡，部份書至今賣出少於100本，「冇可能追到（去年成績）」，預期整體銷情跌一至兩成，但暫不打算劈價，「有同事都叫我減，但已經做緊八折，再減連運費都蝕埋」。