樂壇孖仔周志文與周志康入行4年，兩兄弟感情發展竟然勝過事業，大孖周志文曾一腳踏兩船，周旋有米𡃁模袁聖殷（CoCo）同馬賽之間，最終CoCo踢走小三馬賽，不過大孖未有計劃結婚。昨日有讀者報料指細孖周志康要爬哥哥頭，準備今年10月跟有米女友Emily結婚，更有傳奉子成婚，雙喜臨門。孖仔現實生活果然心有靈犀，同樣眼光獨到揀到「筍盤」。
好胃口孕味濃
即將25歲的細孖周志康跟女朋友Emily拍拖5年，Emily更被形容為「A貨樂瞳」，Emily愛賣萌玩自拍放Instagram，她兩星期前便曾公開一張自拍床照，相中她躺在床上腰肢圓潤，孕味濃。Emily日前又上載食物相後自爆：「食吓食吓食吓，就食咗三碗。」記者昨日致電細孖周志康恭喜他結婚兼做老竇，他聽完沒有否認：「我要問咗經理人先可以答。」即將做大伯爺的大孖周志文就同樣口窒窒避談：「我唔知，問吓細佬先。」