【本報訊】當年負責馬少潮弒殺雙親案件的郭Sir，對於當日在案發現場看到的震撼情景，至今仍歷歷在目，他表示當時甫入屋「我已經好震驚，點解周圍都係血嘅？仲有啲血好明顯係被拖過。跟住有軍裝人員話畀我聽，房裏面有兩個屍體，我去睇過、檢查過，兩個都係『multiple head injuries』，即係頭部多處受傷。好明顯係被人用硬物扑過，而且身體一件衫都冇」。
女死者逃走每步都被扑頭
馬少潮扑殺父母的行兇現場有兩個。郭Sir指，「第一現場喺廁所出面，即係佢爸爸被襲擊嘅地方應該係廁所出面。第二個現場就係廳，當時周圍都係血。」他形容馬母逃走出廳的兇殺現場最殘忍，幾乎每走一步都被扑頭濺血。
案發之後，馬少潮曾經拿走家中金錢，相約朋友觀看電影《少林足球》及《史力加》，在荃灣區逃亡22日；他日間會到圖書館及街上流連，晚上則到海濱公園睡覺。
郭Sir指，逮捕馬少潮當日是得到戲院經理通報，大批警員掩至荃灣廣場逐層搜捕，見馬少潮正在看表演，「我哋埋去問佢係咪馬少潮，佢話係，佢亦都冇反抗」。