【本報訊】「佢（馬少潮）其實本性唔壞㗎，係可以塑造嘅」。引導馬少潮入教的張錦棠教士，多年來一直到獄中探望馬少潮，形容馬少潮殺害雙親是一件「人間悲劇」。
不懂處理憤怒所致
馬少潮是家中幼子，有一兄兩姊，他自幼在家鄉潮州由外婆照顧，到1990年10歲才來港，但只懂潮州話，遇上學習困難，結果中三輟學；至99年他偷錢被父親送返家鄉，一年後才回港，其間到酒樓工作，做了數月便被辭退；還要瞞着父親，每天假扮返工。
張教士指，「佢（馬少潮）好多嘢適應唔到……例如孤單、挫敗、無能感、唔識同屋企人溝通、唔識表達自己嘅情緒同唔識處理憤怒；喺咁嘅情況下就好容易落入情緒盲眼之中」。不過，張教士指現在的馬少潮有很大轉變，已將過往緊閉的內心世界釋放，懂得表達情感。
當年緝捕馬少潮的郭Sir憶述，馬少潮被捕扣留期間，「我啲同事買咗盒餐蛋飯、買咗一罐可樂畀佢，佢即刻啲眼淚湧出嚟話：『乜啲警察會對我咁好嘅？我做咗啲咁嘅事……』」郭Sir也認為馬少潮「唔係咁壞」，並不時到獄中探望，而馬少潮每年亦會寄聖誕卡問候郭Sir近況。