【壹週刊】長毛不在，抗爭總是少了一點色彩；長毛回歸，連梁美芬都冶艷起來。立法會加班再加班，保皇黨還未放暑假，梁國雄已叉完電，還剪了一頭清爽短髮。他的「度假屋」在荔枝角，但山中方一日，世上已千年：「只不過係廿六日，成個香港已經變咗。後面呢間係細監獄，走番出來，係大監獄。」
他呼籲再搞辭職公投，作為佔領中環的前戲，或後續：「其實講過好多次，但我出獄係傳媒焦點。以前係喃喃自語，而家拎住大聲公嗌。」泛民初步反應冷淡。他今次身繫囹圄，也是源於一○年五區公投後，政府為阻止案件重演，力推「遞補機制」、長毛衝擊有關論壇所致。但公投不是世界盃，四年一度，似是永劫回歸多於盛事。爭取失敗再爭取的循環，幾時休止？「一日未死，一日有事發生。只係我哋抽取一個片段，話又返番轉頭，好似cycle咁。其實螺絲扭完一圈，又入咗啲。」
聽來樂觀，但對於佔中的成敗，他看得很化：「喺民主運動史，有邊個反對派係不受鎮壓而得到勝利？你可以從歷史吸取教訓，但泛民一定要受到鎮壓的洗禮，如果唔係，我哋真係一部好奇幻嘅歷史。」
iPhone版下載：
http://goo.gl/1SDaWF
Android版下載：
http://goo.gl/xfQS8D