【林爺爺．小傲兒之大少笑番】現年76歲的林建名近日爆出與比他年輕51年的何傲兒（Lily）譜爺孫戀，25歲的Lily早前出席活動時含淚澄清，而林建名前日現身書展時卻毫不避忌，大談Lily，更提到對方不接電話時，他突然眼淚直標兼鼻涕長流，讓人聞者傷心。
昨日記者致電林建名，他心情大靚，提到Lily繼續滔滔不絕，問他是否為Lily流淚？他說：「我成日流眼水，訪問咗幾個字。」俾閃燈閃親？林建名說：「係呀。」他亦透露還未跟何傲兒聯絡，但談到對方的為人？林建名大讚說：「佢幾好，好乖。」是否很靚女？他說：「係呀。」
「我鍾意識啲後生」
一直有傳Lily父親何世根有意介紹女兒予林建名認識，林建名笑說：「冇咁嘅嘢，朋友都有講，大家一齊識㗎。」他直認還未有跟Lily單獨約會，出來聚會都是何世根父女同行，有沒有發展機會？他說：「唔知呀！我鍾意識啲後生嘅朋友，等我後生啲嘛。」他謂一直都希望再婚，問他是否一直想找個伴結婚？他說：「有呀，間中都有諗呢個問題。」那Lily是否符合條件？他說：「佢高過我喎！要有適合高度，佢係高貴個高呀。」
林建名更爆Lily已跟子女見過面，子女有反對嗎？他說：「冇，大家係朋友，梗係有介紹，佢成日嚟我公司㗎。」
此外，本來何傲芝昨日答應出席於君悅酒店舉行的香水活動，未知是否怕傳媒問及有關妹妹何傲兒的忘年戀，最後缺席。而主角何傲兒昨在微博留言否認緋聞，並感謝朋友支持。
採訪：栐仁