行政立法兩會議員葉劉淑儀最近「撈過界」，接拍卓韻芝執導嘅新戲《失戀急讓》，「降呢」做區議員「葉劉淑芝」，同影后鄭秀文大做對手戲。都話政壇如藝壇，演技好梗係佔優，原來葉劉戲好，除咗後天官場訓練，先天遺傳都功不可沒！佢自爆媽媽華彩鳳係電影明星，同吳楚帆、白燕合拍過戰後首套粵語片《郎歸晚》，電影資料館都有紀錄。
唔知係咪遺傳咗媽媽嘅演藝細胞，小三嗰年，當年讀緊聖士提反女校的小葉劉已經參加校際戲劇比賽，攞過最佳女童角獎。至於點解無承母衣缽反而去從政？若再拍戲，最想演嘅又係咩角色？點解「零片酬」都要獻出第一次登大銀幕？睇片聽吓佢點講。