【壹週刊】近年動物界出現好多明星，忌廉哥、三腳貓麗麗、零零狗等，書展推出動物書比以前多，好似有動保嘅書，亦有走cutie路線，同樣唔少得實用系列，鍾意動物嘅你哋，真係慢慢睇、慢慢揀喇！
先講動保系列，呢本係由香港非牟利獸醫服務協會主席Mark執筆嘅《讓我們好好活下去》，講述三腳貓麗麗同十二個同樣劫後餘生嘅故事。講到劫後餘生一定唔少得佢，《半面野良犬》阿良，爛面見血到搵到新屋企又離家出走，阿良呢半年奇幻人生。
再嚟連《愛我請留言》嘅零零狗都有出書呀，佢呢本《從倀雞妹到零零狗》，係劇集入面，搶鏡過女主角翠如BB嘅Dior，原來係百厭狗，主人用愛同耐性馴服牠，人狗更有情深小故事。
實用書又係咩？就係呢本《和貓咪一起開心玩！貓奴必懂的100個喵喵秘密！2》富智慧嘅喵星人最怕悶，喵喵叫；尾巴直豎起行過嚟都係喵星人下命令你要陪佢玩嘅訊息。
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android