阿仙奴喺即將展開嘅新球季，將會轉着新牌子波衫（圖）。以前一啲球衣款都會用兩季，但阿仙奴始終都係要向錢看，發言人話新嘅主場同兩套作客波衫，只係會用一季貨仔，到下季將會全部換過新款式，難為一班忠實球迷，如果每一件波衫都要入手儲嘅話，荷包就會好傷。另外，兵工廠領隊雲格終於都由巴西返嚟，日前容光煥發咁主持集訓。