皇家馬德里喺星期四透過官網宣佈，同拜仁慕尼黑達成協議，簽入24歲德國中場卻奧斯，雙方簽約6年。卻奧斯（右）完成體測後，星期四下晝就去到巴拿比奴球場同球迷見面。據報，卻奧斯嘅轉會費為2,400萬鎊（約3.2億港元），除稅後年薪就有530萬鎊。另外，皇馬翼鋒加里夫巴利周三25歲生日，會方都唔敢鬆懈，送咗個蛋糕畀巴利。
