今屆環法單車賽有兩位大牌卡雲迪殊同干達杜爾先後因傷退出,周二就再有瑞士嘅簡索拉拿(圖)退賽,令賽事星味大減。不過簡索拉拿就唔係有傷,佢話退賽只係太攰,想有多啲時間備戰9月喺西班牙舉行嘅公路世錦賽。至於成為環法史上首位參賽嘅中國車手計成,因為自己喺車隊嘅主要工作係要幫隊友開路,所以好多時都係包尾過終點,慘被一班無知嘅網民係咁抨擊,話佢攞唔到冠軍,丟晒中國人架喎。