巴西喺世盃輸得丟架，4強同季軍戰兩場波合共失夠10球波，搞到教練史高拉利烏紗不保。有智利傳媒就爆料，話巴西足總接觸過曼城領隊比歷連尼（圖），想搵佢頂大菲個位，但就俾呢位「工程師」拒絕咗，話要履行同曼城嘅3年合約。我求大俠唔敢肯定單傳聞係真定假，但換轉我係比歷連尼，啱啱先攞完英超，又點會去教𠵱家七國咁亂嘅巴西啊？