中國首富、萬達集團董事長王健林獨子、80後嘅王思聰，金句係「我交朋友不在乎他有錢沒錢，反正都沒有我有錢。」、「人要懂得利用自己的優勢，我的優勢就是有錢。」
含住金鎖匙出世，不知人間何世，王思聰亦經常喺微博撩事鬥非，連同屬富二代嘅汪小菲不忿爆粗：「孫子，你就一一臭傻X，有你X媽。」
呢位王億萬(有億萬嘅係佢老竇)，最近又有新猷，於微博貼出邀請AKB48上海姊妹團SNH48當中9位成員扮成兔女郎，「以一敵九」陪王思聰喺佢嘅上海豪宅「玩」。家產高達900億人仔，王思聰果然豔福不淺。
相中王思聰坐沙發上，SNH48少女們圍著佢翩翩起舞。王思聰仲衰衰咁寫道:「加藤鷹專業培訓班第一期畢業大合影。」之後即更正:「剛剛只是開個玩笑，感謝SNH48上門幫我安裝TERA用戶端，妹子們都很可愛。」