早排俾狼太話佢厚多士、不滿談及佢家事嘅蔡子強，受刻毒糟質後獲好多朋友問候，有人講笑話佢咁紅，如果書展再版《拆穿官場語言偽術》一書肯定大賣！蔡子強話今年書展係出新書，但唔係寫政治分析，而係寫飲食！新書叫《餐桌上的領袖》，記載咁多年搜集到中外唔同政治宴會嘅餐單，又或中外領袖嘅飲食喜好，當中當然包括香港。蔡子強話希望由餐單講起，從中透視一啲重要政治事件、人物之間嘅關係，令人覺得政治都可以有趣味！
八方聽聞狼太今日去書展，而蔡子強每年都去書展同讀者簽名，兩人會唔會有世紀碰頭呢？相信諸如八方等厚多士要失望，因為蔡子強周末先現身書展。