上季都有唔少賽事其實都好有問題，好似「太陽戰士」，同一個路程，韋達同湯智傑嘅發揮係完全兩回事，今日就趁住呢個機會，俾「太陽戰士」平反一吓。
Hi，各位馬迷，我係「太陽戰士」呀，其實我嘅性格大家都好清楚，屬於爽快唔拖泥帶水嗰隻，而且仲係好有Heart，所以我私底下同「桃花心」都好Friend㗎！有時朝早見到面仲會打招呼！可借吖，我上季有場馬令我好唔Happy，本來我係諗住一出閘就全力奔跑，點知我上面嗰位大哥一啲都唔配合，一路抽住我，搞到我想快都唔得。
後來再有機會出賽時，據啲老友講，我上面位仁兄換咗人，嘩！個感覺完全唔同晒，佢仲慌死我唔夠快咁，一出閘就猛咁推，我梗係Happy啦，博晒老命跑，結果冇一隻馬快過我！喂，各位大佬，我要咁跑先至Happy，記得啦！