牙買加飛人鮑維（前）周二展開復出第1擊，出戰瑞士盧塞恩田徑賽嘅男子100米跑決賽，但佢只係造出10秒30嘅時間，輸咗畀同胞科迪同聖基茨嘅阿當斯得第3。不過，呢位因服用禁藥而被罰停賽半年嘅前世界紀錄保持者就好滿意，話過去幾個月都覺得好大壓力，可以重返田徑賽場已經好開心喎。佢又話，自己有成3個星期冇練習過，所以唔會操之過急，會一步一步慢慢嚟。