意甲3連霸嘅祖雲達斯，周二突然宣佈同教練干地（圖）「和平分手」，雙方隨即終止合約。據報干地係準備代替已離職嘅柏蘭迪利接掌意大利國家隊，領軍出戰2016歐國盃外圍賽，亦有人揣測呢位44歲少帥係不滿球會準備出售維達爾同保羅普巴所以離隊。祖記就已經落實由艾基利頂上，但呢位仁兄上季搞到AC米蘭排喺中下游，最終被炒，我求大俠真係替祖記擔心。