終於，德國做咗今屆世界盃嘅大贏家，將大力神盃捧返家鄉。回想今屆決賽周，大熱倒灶，一啲冇被睇好嘅球隊，甚至係魚腩隊就出晒線，呢啲絕對唔係幸運，而係靠佢哋每場都搏到盡，將自己擁有嘅一切爆發出嚟，結果超乎想像，得到意想不到嘅回報。
至於過去1個月幾乎晚晚都睇波，𠵱家世界盃完咗，各大聯賽又未開波，我嘅心情真係好低落。好彩之前發現一剔牌出咗個新嘅Football App，畀我繼續接通世界足球，唔單止隨時收到球星嘅最新動態，仲有新產品嘅情報，咁我又可以繼續做個足球達人啦！
過埋今日，我哋嘅專欄都劃上句號，老土啲都要講句，好唔捨得呀！感覺就好似讀完中六要離開母校一樣（圖），講真我從未諗過自己寫嘅嘢可以喺報紙度出現，所以呢個經歷好難得、好難忘。經過呢個月嘅磨練，我嘅眼界都闊咗，亦明白任何時候都要留意身邊發生嘅事，因為身邊好多人、物、事都好有意思，只要用心去睇，你會發現呢個世界同平時睇嘅好唔同。希望將來再有機會透過呢個平台同大家再見啦！保重！
文：陳子樑