前「新聞王子」呂秉權（Bell），噚日趁住暑假熱辣辣，同太太、仔女一齊去咗海洋公園玩水。游水只係着泳褲是常識吧，而阿Bell嘅泳褲照，卻惹嚟一陣哄動。話說阿Bell喺facebook上載咗一幅「乾濕海洋公園」全家照，雖然阿仔企前面，但無法掩飾老竇嘅fit爆身形。呢輯幸福家庭照吸引近120個「讚」，有好友留言話：「大隻佬出沒注意。」另有朋友忍唔住留咗「事業線！」三粒字代替直接讚美。
雖然阿Bell今年40歲，身形仍然好fit喎！查實阿Bell讀完新聞系後，都諗住做警察或者海關㗎，由此推論佢嘅體能同身形當然唔差啦。