陳慧琳（Kelly）與老公劉建浩婚後一直恩愛如昔，但日前有報道指Kelly老公約了一班朋友食飯，與一位貌似日本女星綾瀨遙的女子有親密舉動，所以Kelly要追生女箍實老公。
昨日Kelly戴上過千萬鑽飾在尖沙嘴出席金至尊開幕活動，回應說：「唔使喇！兩個仔仲箍？唔生喇！生仔都箍到，之前嘅痛苦經歷唔會輕易嚟多次同冒險，𠵱家兩個都好辛苦，要湊同埋教，要畀時間同心機，老公都有幫手一齊湊仔。」
Kelly表示當日老公是出席生日聚會，席上朋友自己全認識，她並說：「個女仔我都識，十幾廿年朋友，個女仔仲有個十幾年嘅男朋友，老公睇到報道有話：『吓？正常社交都唔得。』佢啲朋友都話以後同佢去街要化妝、整頭，個個着靚啲。」
唔會做跟得夫人
會否要求老公以後避免與異性有親密舉動？Kelly坦言：「我有咁講，但係有時玩吓玩吓就唔記得喇！唔係掛住影相，同埋都係角度問題，唔怕喇！」
即使傳出緋聞，Kelly謂不會因此變成跟得夫人，因為本身的工作加上要照顧小朋友，已非常忙碌，相反當自己有需要外出應酬或工作時，老公就留守家中，似輪班制，但如果是親子活動就會兩公婆一齊去，飲酒聚會則免。此外，Kelly透露趁囝囝放暑假，計劃一家出外旅遊。
採訪：溫敏芝
攝影：陳志嵐
